Sämitigge almoot uuccâmnáál TOIMÂTTÂHČÄLLEE TOOIMÂ

/in /by

Sämitigge almoot uuccâmnáál

TOIMÂTTÂHČÄLLEE TOOIMÂ

Pargo álgá sopâmuš mield já pištá 31.12.2018 räi. Toimâttâhčällee pargoid kulá ei. hoittáđ almos toimâttuv iššeen máksujotoluv (Heeros), vyebdimrekigistem sehe eres išedeijee ekonomiahaldâttuv já almos toimâttâhčällee pargoid. Toimâttâhčällee tuáimá táárbu mield haldâttâhčällee sajasâžžân sehe hoittáá eres pargoid, maid haldâttâhhovdâ sunjin sierâ meerrid. Toimâttâhčällee toimâsaje lii Anarist Sajosist.

Siäđusvuáđustâslâš tohálâšvuotâvátámâššân lii pargo vaattâm škovlim já lasseen váttoo sämikielâ táiđu (sämitiggeest adelum asâttâs 1727/1995). Tooimâ miänástuvvee hoittám iššeed maaŋgâpiälásâš hárjánem toimâttâhpargoin. Mij anneep áárvust naavcâ jiečânâs já huolâlâš porgâmân sehe šiev oovtâstpargo- já vuáruvaikuttâstááiđuid. Pälkki meriduvvoo Sämitige pálkkááttemvuáháduv vátávâšvuotâtääsi VI já juávhu II mield (vuáđupälkki 1849,51 eurod/mp). Vuáđupäälhi lasseen máksojeh 24 % sämikuávlu lase já hárjánemlaseh, moh meriduvvojeh pargohárjánem mield.

Ucâmušâid uáppu- já pargotuođâštusâiguin kalga toimâttiđ Sämitige čäällimkoodán 9.4.2018 tme 16.00 räi čujottâssáin Sajos, 99870 Aanaar teikâ info(at)samediggi.fi Lasetiäđuid virgeest addel haldâttâhhovdâ Pia Ruotsala-Kangasniemi tel. 010 839 3106 Sämitige tooimân puáhtá uápásmuđ nettičujottâsâst www.samediggi.fi

Anarist 26.3.2018 Sämitigge

Sämitigge almoot uuccâmnáál MERIÁIGÁSII IÄLÁTTÂSČÄLLEE pargo

/in /by

Sämitigge almoot uuccâmnáál

MERIÁIGÁSII IÄLÁTTÂSČÄLLEE

pargo. Čällee pargon lii ei. valmâštâllâđ sämmilij iäláttâssáid já sämikuávlu eennâmkevttimân lohtâseijee aašijd oosijn, moh kuleh suu toimâsuárgán, sehe toimâđ iäláttâs- já vuoigâdvuotâlävdikode oovdânpyehten. Pargo álgá sopâmuš mield já pištá aainâs 31.12.2018 räi. Ruttâdem visásmittem maŋa pargo juátkoo ive 2019. Viggeh finniđ tooimâst fastâ virge ive 2019 ääigi.

Siäđusvuáđustâslâš tohálâšvuotâvátámâš lii virge vaattâm škovlim já lasseen váttoo sämikielâ táiđu (asâttâs 1727/95). Pargo miänástuvvee hoittám váátá šiev sämikulttuur, sämikuávlu já -iäláttâsâi tubdâm. Pälkki meriduvvoo Sämitige pálkkááttemvuáháduv vátávâšvuotâtääsi IV/IV-II mield (vuáđupälkki kooskâst 2 466,87 – 2 570,81 eurod/mp). Vuáđupäälhi lasseen máksoo 24 % sämikuávlu lase, jis pargee parga sämikuávlust sehe hárjánemlaseh, moh meriduvvojeh pargohárjánem mield.

Ucâmušâid lahtosijdiskuin kalga toimâttiđ Sämitige čäällimkoodán 4.4.2018 tme 16.00 räi čujottâsân Sajos, 99870 Aanaar teikâ čujottâsân info@samediggi.fi. Lasetiäđuid pargoost addel haldâttâhhovdâ Pia Ruotsala-Kangasniemi puh. 010 839 3106. Sämitige tooimân puáhtá uápásmuđ nettičujottâsâst www.samediggi.fi

Anarist 19.3.2018 Sämitigge

Sämitige puhelinnummeer lii kiddâ 16.3.2018

/in /by

Sämitige puhelinnummeer lii kiddâ 16.3.2018.

  •  16.3.2018 stiivrâ já pargovievâ ovdânem- já strategiasavâstâllâm Anarist.

 

Sämitigge almoot uuccâmnáál meriáigásii oovdânpyehtee tooimâ

/in /by

Sämitigge almoot uuccâmnáál

MERIÁIGÁSII OOVDÂNPYEHTEE TOOIMÂ

Oovdânpyehtee váldupargon lii toimâđ sosiaal- já tiervâsvuođâlävdikode oovdânpyehten já čällen. Pargo álgá 2.4.2018 já nohá 28.7.2018. Pargee toimâsaje lii čäällimkode váldutoimâsaajeest sämikulttuurkuávdáš Sajosist, Anarist.

Siäđusvuáđuslâžžân tohálâšvuođâvátámâššân lii virge vaattâm škovlim já lasseen váttoo sämikielâ táiđu (asâttâs 1727/95). Tooimâ miänástuvvee hoittám išedeh hiäivulâš ollâškovlâtuđhos, šiev sämmilii sosiaal- ja tiervâsvuođâsyergi tubdâm. Šiev haaldâtlij pargoi já ekonomiahaldâttuv tubdâm keččih hiättun. Pälkki miärášuvá sämitige pálkkááttemvuáháduv vátávâšvuođâtääsi IV/IV-II mield (vuáđupälkki 2 466,87 – 2 570,81 eurod/mp). Vuáđupäälhi lasseen máksojeh 24 % sämikuávlu lase já pargohárjánem mield miärášuvvee hárjánemlaseh.

Ucâmušâid lahtosijdiskuin kalga toimâttiđ sämitige čäällimkoodán 26.3.2018 tme 16.00 räi čujottâssáin Sajos, 99870 Aanaar / info(at)samediggi.fi. Lasetiäđuid pargoost addel haldâttâhhovdâ Pia Ruotsala-Kangasniemi puh. 010 839 3106. Sämitige tooimân puáhtá uápásmuđ nettičujottâsâst www.samediggi.fi

Anáris 12.3.2018 Sämitigge

Ruanda kuvijguin, sanijguin já nuotâiguin

/in /by

Säämi párnáikulttuurkuávdáš Mánnu finnee njuhčâmáánust kyessin UNICEF Šiev táátu tuálvoo já taaiđâr Eija Ahvo. UNICEF lii OA párnáiservi, mii tuáimá pirrâ maailm tagarij párnái pyerrin, kiäh láá hiäjumus tiileest. UNICEF huolât, ete párnáá vuoigâdvuođah tiervâsvuotân, škovliittâsân já suoijâlmân olášuveh.

Musikkár, čaittâleijee Eija Ahvo lii toimâm 31 ihheed Suomâ Unicef Šiev táátu tuálvon. Kieddimäđhistis Ruandast sun uápásmui UNICEF projektáid ei. ravviittâhtooimân, Pärniustevlâš škovlâ- tooimân já nuorâi One stop center- tooimân. Kollimij ulmen lii adeliđ mii párnáid tiäđu maailm párnái tiileest, elimist, cevzimist já toohâđ meid UNICEF pargo uápisin. Vaikuttempargo ulmen meid päikkienâmist lii olášuttiđ pisovijd nubástusâid párnáá pyerrin sehe ohtsâškode ráhtusijn ete ulmui jurdâččemvuovijn.

UNICEF Šiev táátu tuálvoo Eija Ahvo puátá škovlâlij kyessin Vuáčun (20.3.), Avelân (23.3.), Anarân (21.3.) já Čevetjáávrán (22.3.). Sun muštâl Unicef-pargoost Afrika Ruandast já jieijâs kieddimääđhi feeriimijn kuvijguin, sanijguin já lavluiguin.

Lasetiäđuh toimâjođetteijee Petra B. Magga-Vars

puh.  0407325503 Mánnu/Sämitigge

Israel Suomâ ambassador kollij Anarist

/in /by

Israel Suomâ ambassador Dov Segev-Steinberg kollij Sämitiggeest tuorâstuv 8.3.2018. Saavâjođetteijee Tiina Sanila-Aikio teeivâi ambassador Sajosist.

Lasetiäđuid addel Sämitige saavâjođetteijee Tiina Sanila-Aikio puh. 050 300 1780, tiina.sanila-aikio(at)samediggi.fi