Sääʹmnuõri čeäʹppvuõttpeiʹvv Aanrest – Tubeʹtteei Mansikka ärvstõõllʼjen

/in , , /by

Sääʹmnuõri čeäʹppvuõđpeiʹvv ââʹnet tän eeʹjj 12.4. Aanrest. Eeʹjj 2018 čeäʹppvuõđpeeiʹv teeʹmmen lij “jiõččan jiõnn” da šõddmõõžž äʹššvuʹvdden liâ musikk da tubettmõš leʹbe nuʹt ciâlkkum You Tube videoi sniimmʼmõš.

– Musikk lij še jeeʹresåʹrnn Lääʹddjânnmest teeʹmmen tän eeʹjj da ǥu teeʹmmen lij jiijjâs jiõnn, šeâtt tuʹbettmõš še samai puârast miʹjjid, ceälkk Sääʹmnuõri čeäʹppvuõđpeeiʹv puuʹtʼteei, Aleksi Ahlakorpi.

Tubettmõš-ǩeâšt ärvstõõllʼjen lij Mansikka (Maiju Voutilainen), kååʹtt lij õhtt Lääʹddjânnam peäggtum tubeʹtteeʹjin. Suu tubettmõõžž čuâvva pâʹjjel 160.000 ooumžed.

– Lij kâʹl samai hääʹsǩ vuäǯǯad näkam peäggtum ooumaž miʹjjid ärvstõõllʼjen. Mansikka veʹt lij õiʹdde jeällam Aanrest ââʹnnmen tubettmõš-škooultõõzz nuõrid da tõn leʹjje pääiʹǩ âʹlnn čuâvvmen nuʹt čueʹtt nuõr da pääʹrn da striim pääiʹǩ võl lââzz, rämmai Ahlakorpi.

Tän eeʹjj leʹčči leämma čeäʹppvuõđpeeiʹv päiʹǩǩen Vuõccu, leša Suäʹđjel kååʹdd peälštemveʹrǧǧneeʹǩǩ miõlâst Vuõccu škooul kueʹrnec lij leigga occkaž čeäʹppvuõđpeeiʹv šõddmõʹšše.

– Vaiddlep štõ jeäʹp piâssâm Vuõccu, leša kâʹl tâma tän vuäitt ceäʹlǩǩed še positiivlaž vaiggâdvuõttan. Meeʹst liâ juʹn nuʹt jiânnai säʹmmlaž- da sääʹmǩiõllsa nuõr, štõ ij meinnu käunnʼjed tueʹrv šurr sââʹjj šõddmõʹšše. Päärnai da nuõri staanvuõtt še lij miʹjjid tuõđi vääžnai da tõõzz õhttneei aaʹššid âlgg väʹldded tuõđi lokku ǥu šõddmõõžž lij plaanmen, teäddad Ahlakorpi.

Sääʹmnuõri čeäʹppvuõđpeeiʹv jääʹrjast Sääʹmteʹǧǧ. Tubettmõš-ǩeâštt puätt leeʹd õhttsažtuejast Aarktlaž pedagogikk-haʹŋǩǩõõzzin da tõʹst lij ärvstõõllʼjen Mansikka. Tääʹrǩab teâđaid šõddmõõžžâst uʹvddep škooulid da median mâʹŋŋlest. Lââssteâđ käunnʼje addrõõzzâst: http://www.samediggi.fi/2018/01/21/saamelaisnuorten-taidetapahtuman-2018-lajeina-musiikki-ja-tubetus/ https://www.facebook.com/daiddadahpahus/

Aleksi Ahlakorpi

Puuʹtʼteei Sääʹmnuõri čeäʹppvuõttpeiʹvv

010 839 3128

aleksi.ahlakorpi@samediggi.fi

Mainstõõllâmpodd vueiʹvvgååradvuuʹd säʹmmlaid 26.2.2018

/in , /by

TEÂĐTÕS  15.2.2018

 

Mainstõõllâmpodd vueiʹvvgååradvuuʹd säʹmmlaid 26.2.2018

Sääʹmteeʹǧǧ halltõs reäšš såbbres õhttvuõđâst mainstõõllâmpoodd vueiʹvvgååradvuuʹd säʹmmlaid Heʹlssnest hoteʹll Scandic Simonkenttäst vuõssaarǥ 26.2.2018 čiâss 18-20.

Sääʹmteeʹǧǧ sååbbar lij priimmâm 18.12.2017 tuåimmplaan-tällõsarvvlõõzzâst eeǥǥas 2018, što halltõõzz såbbrid reäʹšše vuäittmõõžži mieʹldd Uccjooǥǥâst, Vuõccust, Heʹlssnest, Jeänõõǥǥ Karesâvvnest da Aanrest. Såbbri õhttvuõđâst reäʹšše päiʹǩǩ-kååʹddest mainstõõllâpoodd, koʹst halltõs kaaunââtt vuuʹd säʹmmlaivuiʹm, mušttal õʹhtteǩeässmõššân halltõspââʹj tuåimi pirr da rääjj pannveerǥlab vueiʹttemvuõđ mainstõõllâd ääiʹjpoddsaž aaʹšši pirr.

– Mij täävtõssân lij, što mainstõõllâmpoodd nâânee sääʹmõõutstõõzz da Sääʹmteeʹǧǧ kõskksaž dialoog õhttsaž aaʹšši oouʹdeem diõtt, Sääʹmteeʹǧǧ saaǥǥjååʹđteei Tiina Sanila-Aikio teäʹddad.

Mainstõõllâmpoodd reäʹšše Scandic Simonkenttä -hoteeʹll sååbbarlõnnj Espast 26.2.2018 čiâss 18-20.

– Vueiʹvvgååradvuuʹd säʹmmla, pueʹtted tiõrvân vaalpââʹj vuõssmõs mainstõõllâmpoʹdde, Sanila-Aikio tuäivat.

Lââʹssteâđaid oudd Sääʹmteeʹǧǧ saaǥǥjååʹđteei Tiina Sanila-Aikio teʹl. 050 300 1780, tiina.sanila-aikio(at)samediggi.fi

 

 

 

Kulttuurimieʹrrteäʹǧǧ 2018

/in , /by

Kulttuurimieʹrrteäʹǧǧ 2018 tâʹvvjânnmallaš sääʹmorganisaatioi tuärjjummša
Sääʹmteeʹǧǧ kulttuurluʹvddkåʹdd jueʹjji kulttuurluʹvddkååʹdd såbbrest 29.-30.1.2018 Mättʼtõs- da kulttuurministeria lij miõttâm riikkveäʹǩǩtõõzz eeǥǥas 2018 õhttsiʹžže 15 000 euʹrred tâʹvvjânnmallaš sääʹmorganisaatioi tuärjjummša.
Sääʹmteeʹǧǧ konttra pueʹtte 11 ooccmõššâd, koin veäʹǩǩtõõzzid oʹcceš õhttsiʹžže 77 757,96 €

Kulttuurimieʹrrteäʹǧǧ 2018

Teâđ saaʹmi pirr mättʼtõʹsse – ođđ oktavuohta.com äävuum!

/in /by

Oođuum oktavuohta.com  -neʹttlõstt lij äävuum. Seeid taʹrjjee teâđ mättʼtõʹsse da jeärrsid, kook haaʹlee teâđ säʹmmlai pirr. Seidd lij tooimtum Sääʹmteeʹǧǧ da Mättʼtõshalltõõzz õhttsažtuâjjan. Seeid âʹnne seʹst teâđ säʹmmlai meersaž symboolin, sääʹmkulttuur sueʹrjin, sääʹmõhttsažkååʹddest da šõddmõõžžin teeʹkstivuiʹm, snimldõõǥǥivuiʹm da videoivuiʹm.

Ođđ oktavuohta.com -seeid lie veâl lääʹddǩiõllsa. Sääʹmǩiõllsaid seeidaid tooimtet ǩiiđ mieʹldd da seeid teâuddje ääiʹj mieʹldd. Oktavuohta.com -seeidaid tooimat Sääʹmteeʹǧǧ škooultõs – da mättmateriaalkoontâr.

Mättʼtõs- da kulttuurministeria da Mättʼtõshalltõs kåčča vieʹttjed säʹmmlai meersažpeeiʹv!

/in , /by

Mättʼtõs- da kulttuurministeria da Mättʼtõshalltõs kåčča vieʹttjed säʹmmlai meersažpeeiʹv. – Säʹmmlai meersažpeiʹvv oudd pueʹrr vueiʹttemvuõđ tobdstõõttâd säʹmmlaid Euroop oʹdinakai alggmeeran di säʹmmlai kultturtraditioid, Mättʼtõshalltõõzz vueiʹvvjååʹđteei Olli-Pekka Heinonen tuâtt.

Mättʼtõshalltõõzz 4.2.2018

Mättʼtõs- da kulttuurministeria da Mättʼtõshalltõs kåčča vieʹttjed säʹmmlai meersažpeeiʹv!

Säʹmmlai meersažpeeiʹv vieʹttjet täʹlvvmannu 6. peeiʹv. Tõt lij ååʹn võl miâlggâd nuõrr juhllpeiʹvv, ǥu Lääʹdd kaʹlndaaʹre peiʹvv lij pijjum eeʹjjest 2004. Meersažpeeiʹvest lij kuuitâǥ mieʹrruum juʹn eeʹjjest 1992 da juhllpeeiʹv maddi mâʹnne pâʹjjel čueʹđ eeʹjj tuâkka, ekka 1917. Tâʹl Taarr Trondheeiʹmest jäʹrjste vuõssmõs tâʹvvjânnamlaž sääʹmsååbbar, koon juurd leäi smiõttâd säʹmmlai jieʹllemvueiʹttemvuõđid da väʹldded peäʹl säʹmmlaid kuõskki kõõččmõõžžid. Säʹmmlai poliittlaž teâđstummuž ǩeäʹčče šõddâm tõn pooddâst. Meersažpeiʹvv lij õhtt säʹmmlai jiijjâs lipp-peeiʹvin, leša tõn lââʹssen Lääʹddjânnam, Ruõcc da Taarr veʹrǧǧneeʹǩǩ siâzztâʹlle almmjallaš liipptummuž.

Säʹmmlai meersažpeeiʹv vieʹttjet täʹlvvmannu 6. peeiʹv. Tõt lij ååʹn võl miâlggâd nuõrr juhllpeiʹvv, ǥu Lääʹdd kaʹlndaaʹre peiʹvv lij pijjum eeʹjjest 2004. Meersažpeeiʹvest lij kuuitâǥ mieʹrruum juʹn eeʹjjest 1992 da juhllpeeiʹv maddi mâʹnne pâʹjjel čueʹđ eeʹjj tuâkka, ekka 1917. Tâʹl Taarr Trondheeiʹmest jäʹrjste vuõssmõs tâʹvvjânnamlaž sääʹmsååbbar, koon juurd leäi smiõttâd säʹmmlai jieʹllemvueiʹttemvuõđid da väʹldded peäʹl säʹmmlaid kuõskki kõõččmõõžžid. Säʹmmlai poliittlaž teâđstummuž ǩeäʹčče šõddâm tõn pooddâst. Meersažpeiʹvv lij õhtt säʹmmlai jiijjâs lipp-peeiʹvin, leša tõn lââʹssen Lääʹddjânnam, Ruõcc da Taarr veʹrǧǧneeʹǩǩ siâzztâʹlle almmjallaš liipptummuž.

– Oummu jiijjâs jieʹnnǩiõll lij tõt, koin pueʹrmõsân puʹhttep jiijjân õuʹdde, tobddjeem, jurddjeem di kommunikâʹsttep jeärrsivuiʹm. Lij leämmaž pueʹrr vueiʹnned, mäʹhtt sääʹmnuõr âʹnne äärvast ǩiõlâs da kulttuurääʹrbes da haaʹlee nââneed tõn juätkkjummuž, mättʼtõsminister Sanni Grahn-Laasonen ceälkk.

Mättʼtõshalltõõzz vueiʹvvjååʹđteei Olli-Pekka Heinonen peejj teädd tõõzz, štõ säʹmmlai meersažpeeiʹv vieʹttjummuš škooulin teudd peäʹlstes še vuâđđmättʼtõõzz mättʼtõsplaan vuâđai linnjõõzzid, kooi mieʹldd škooul mättjeei õhttõssân pohtt vuõinnsa sääʹmkulttuur miârktõõzz Lääʹddjânnmest. Tõt õõudad persooni da joouki kõskksaž fiʹttjummuž da ciʹsttjummuž di kõskkneez oumminalla jeällmõõžž. Škooulõhttõõzzâst âlgg fiʹttjed, štõ vuõiggâdvuõtt jiijjâs ǩiõʹlle da kulttuuʹre lij vuâđđvuõiggâdvuõtt.

– Säʹmmlai meersažpeiʹvv oudd pueʹrr vueiʹttemvuõđ tobdstõõttâd säʹmmlaid Euroop oʹdinakai alggmeeran di säʹmmlai kultturtraditioid, Heinonen tuâtt.

Säʹmmlai meersažpeeiʹv vieʹttjummšest vuäitt äuʹǩǩen ââʹnned aunnsid, koid Mättʼtõshalltõs lij puuʹtʼtam õhttsažtuejast Sääʹmtiiʹǧǧin.www.oktavuohta.com -seeidain käunnʼje teâđ säʹmmlai pirr, sääʹm ǩiõlin, sääʹmkulttuurin di materiaal da tuejjneävv mättʼtõõzzâst äuʹǩǩen âânnmõʹšše.

Säʹmmlai meersažpeeiʹv vieʹttjummuž vuäitt čuâvvad še mediast. Yle Sápmi seuʹrrai meersažpeeiʹv šõddmõõžžid õhttsažtuejast naabârjânnmi sääʹm radio da tv-tuåimtõõzzivuiʹm, nuʹtt radio- da tv-vuõlttõõzzin ǥu neeʹttest da sosiaalʼlaž mediast.

Mättʼtõshalltõs lij nõõmtam säʹmmlaid da sääʹm kulttuur še vueiʹvvteeʹmmen euroopplaž kulttuuräʹrbbeeʹjj 2018 vieʹttjummšest.

Lââssteâđ Mättʼtõshalltõõzzâst:
Mättʼtõsduumšeǩ, juâkkaz šurr Leena Nissilä: leena.nissila@oph.fi
Mättʼtõsduumšeǩ Susanna Rajala: susanna.rajala@oph.fi
Pâʹjjtaʹrǩsteei Maria Edel: maria.edel@oph.fi
Mättʼtõsduumšeǩ Paula Mattila: paula.mattila@minedu.fi

Lââssteâđaid Mättʼtõs da kulttuurministeriast:
Spesiaalveäʹǩǩteei Daniel Sazonov: daniel.sazonov@minedu.fi
Mättʼtõsduumšeǩ Anne Onnela: anne.onnela@minedu.fi

Tuõttvuõtt- da suåvâdvuõttkomissio aalǥtummuž ǩiõttʼtõõlât seminaarâst sueʹvet

/in , /by

Tuõttvuõtt- da suåvâdvuõtt komissio aalǥtem oudldõõzzid ǩiõttʼtõõlât Aanar Sajoozzâst sueʹvet 10.2. riõššum seminaarâst. Seminaarâst kuulât vaʹstteei komissioi toimmjummšest jeeʹresåʹrnn maaiʹlmest. Seminaar lij pukid äävai.

Ääʹv seminaar Tuõttvuõtt- da suåvâdvuõttkomissioi meeraikõskksaž ǩiõččlâsttmõõžž:
Lääʹddjânnam riikk da säʹmmlai kõõskid ǩiõttʼtõõlli komissio aalǥtem oudldõõzz

Äiʹǧǧ: 10.2.2018
Päiʹǩǩ: Sajos, Aanar
Striiʹmjummuš vuõiʹǧǧest: http://www.sogku.fi/live/

Moderaattoor: Tiina Sanila-Aikio da Antti Pentikäinen
09.00 Šõddmõõžž ääʹvummuš: Antti Pentikäinen, toimmjååʹđteei, Åskldõõǥǥlaž da äʹrbbvuõđlaž jååʹđteeʹji rääuhkueʹddemsäiʹmmõs
09.10 Tiõrvtemsääʹn, Tiina Sanila-Aikio, saaǥǥjååʹđteei, Sääʹmteʹǧǧ
09.20 Saakkvuârr, Eduardo González, vuäʹpsteei da seʹrddempââʹj vuõiggâdvuõttriâššmõõžži äʹšštobddi
09.50 Saakkvuârr, Simon Keyes, kueʹss professor, Winchester universiteʹtt, suåvtõõllâm äʹšštobddi

10.20 Kååʹffpodd

10.40 Saakkvuârr, Laila Susanne Vars, jååʹđteei äʹšštobddi, Taarrjânnam ooumažvuõiggâdvuõttorgaan, OTT, äʹšštobddi ÕM ooumažvuõiggâdvuõttväʹlddõõzz koontâr (OHCHR) alggmeerai vuõiggâdvuõđid ǩiõttʼtõõlli äʹšštobddimekaniismâst (EMRIP)
11.10 Saakkvuârr, Marie Wilson, Kanada tuõttvuõtt- da suåvâdvuõttkomissio vuäzzlaž
11.40 Saakkvuârr, Teivo Teivainen, professor, Heʹlssen universiteʹtt
12.00 Porrmõš
13.00 Saakkvuârr da paneeʹlsaǥstõõllmõš Veli-Pekka Lehtola, sääʹmkulttuur professor, Oulu universiteʹtt Nils-Henrik Valkeapää Petra Laiti, saaǥǥjååʹđteei, Lääʹddjânnam sääʹmnuõr (SSN) Ida-Maria Helander, väärrsaaǥǥjååʹđteei, SSN
Anna Morottaja

14.00 Kååʹffpodd

14.15 Tuejjummuš siõm jooukin da tiimi čuäʹjtõõzz Siâsstõõzz Lääʹddjânnam riiʹǩǩe (sj. Johanna Suurpää, demokratia-, ǩiõll- da vuâđđvuõiggâdvuõđi juâkkaz jååʹđteei, vuõiggâdvuõttministeria) Siâsstõõzz Lääʹddjânnam sääʹmtegga (sj. Tiina Sanila-Aikio) Siâsstõõzz tuõttvuõtt- da suåvâdvuõttkomissio aalǥtummša (sj. Antti Pentikäinen)
15.45 Loppsääʹn, Tiina Sanila-Aikio da Antti Pentikäinen