Sámediehtu oahpahussii – ođđa oktavuohta.com rahppojuvvon!

Ođasmahttojuvvon oktavuohta.com -fierbmeláđđi lea rahppojuvvon. Siiddut fállet sámedieđu oahpahussii ja eará berošteaddjiide ja daid leat Sámediggi ja Oahpahusráđđehus doaimmahan ovttasbargun. Siiddut sisttistollet dieđuid sámiid álbmotlaš symbolain, sámekultuvrra sierra surggiin, sámeservožis ja dáhpáhusain. Siidduin leat artihkalat, govat, videot ja liŋkkat.

Ođđa oktavuohta.com -siiddut leat doisttažii suomagillii. Sámegielat siiddut doaimmahuvvojit giđa mielde ja siiddut dievasmahttojuvvojit dađistaga. Oktavuohta.com -siidduid doaimmaha Sámedikki skuvlen- ja oahppamateriáladoaimmahat.