Sámediggelága ođasmahttin álggahuvvo

/in /by

Vuoigatvuođaministeriija lea ásahan doaibmagotti, man bargun lea gárvvistit sámedikkis addojuvvon lága ođasteami. Doaibmagotti bargu vuođđuduvvá vuođđovuoigatvuođaide, vuođđolága ásahan eará geatnegasvuođaide ja Suoma riikkaidgaskasaš olmmošvuoigatvuođageatnegasvuođaide sihke ON:id eamiálbmogiid vuoigatvuođaid julggaštussii.

Doaibmagotti sátnejođiheaddjin doaibmá riektediehtagiid doavttir Pekka Hallberg, guhte lei alimus hálddahusrievtti presideantan jagiid 1993-2012.

Lága nuppástusaid gárvvisteami doarjjan ásahuvvo lassin parlamentáralaš čuovvunjoavku. Čuovvunjoavkku bargun lea addit riikkabeaijoavkkuide dieđu lága gárvvisteamis, ovddidit ságastallama sihke čuovvut ja árvvoštallat doaibmagotti barggu.

Doaibmagotti mihttomearri lea oažžut ovttmielat evttohusas gárvvisin cuoŋománu 2018 loahpa rádjai. Ulbmilin lea, ahte láhkanuppástusat bohtet fápmui buriin áiggiin ovdal čuovvovaš sámediggeválggaid, mat ordnejuvvojit jagi 2019.

Lassidieđut:
Hoavda Johanna Suurpää, vuoigatvuođaministeriija, tel. 02951 5053,ovdanamma.sohkanamma@om.fi
Ráđđádalli virgeolmmoš Yrsa Nyman, vuoigatvuođaministeriija, tel. 02951 50293,ovdanamma.sohkanamma@om.fi
Sátnejođiheaddji Tiina Sanila-Aikio, sámediggi, tel. 050 300 1780,ovdanamma.sohkanamma@samediggi.fi

Lassidieđut fidnus: http://oikeusministerio.fi/hanke?tunnus=OM077:00/2017

Evttot lahtu sámedikki nuoraidráđđái 2018-2019

/in /by

Sámedikki oktavuođas doaibmá nuoraidráđđi. Ráđi váldobargun lea ovddidit sámenuoraid gielalaš ja kultuvrralaš vuoigatvuođaid sihke nannet sámenuoraid identitehta nuoraidbarggu bokte. Lassin ráđđi galgá válmmaštallat daid sámedikki evttohusaid, álgagiid, cealkámušaid ja eará bealiváldimiid, mat gusket sámenuoraid.

Ráđđái válljejuvvojit vihtta fásta lahtu sihke persovnnalaš várrelahtut. Lahtut galget leat 18–28-jahkásaš aktiivvalaš sámenuorat. Lassin ráđđái válljejuvvojit vihtta fásta áššedovdi. Áššedovdilahtut galget válljejuvvot boađidettiin leat 15–17-jahkásaččat. Ráđi lahtut eai dárbbaš leat sámedikki lahtut, eaige sii dárbbaš ássat sámeguovllus. Maiddái sámegiella eatnigiellan ii leat vealtameahttun, muhto sámegiela dáidu lea sávahahtti. Nuoraidráđi válljemis váldojuvvo vuhtii, ahte lahtut ovddastit nu viidát go vejolaš olles sámeguovllu ja maiddái sierra giellajoavkkuid.

Nuoraidráđđi bargá sámedikki stivrii evttohusa vejolaš lahtuin, ja loahpalaš mearrádusa dahká sámedikki čoahkkin.

Sáhtát evttohit du mielas nuoraidráđđái heivvolaš 18–28-jahkásaš aktiivvalaš sámenuoraid ja áššedovdilahttun heivvolaš 15–17- jahkásaš nuoraid. Evttohusaid vuođustusaiguin sáhttá sáddet šleađgapoasttain nuoraidčállái kaisa.tapiola-lansman(at)samediggi.fi dahje poastta fáro Nuoraidráđđi, PB 41, 99981 Ohcejohka dahje Nuoraidráđđi, Sajos, 99870 Inari maŋimustá 13.11.2017.

Jos háliidat lassidieđuid, daid oaččot nuoraidčállis. Telefonnummir lea +358 50 382 5179.

Sámedikki ovddasteaddjit sámediggelága nuppástusa válmmaštalli doaibmagottis ja parla-mentáralaš čuovvunjoavkkus

/in /by

Sámedikki stivra nammadii ovddasteaddjiid sámediggelága nuppástusa válmmaštalli doaibma-goddái sihke parlamentáralaš čuovvunjovkui čoahkkimis 9.10.2017.

Stivra nammadii sámediggelága nuppástusa válmmaštalli doaibmagoddái Tiina Sanila-Aikio (várrelahttun Petra Magga-Vars), Tuomas Aslak Juuso (várrelahttun Pentti Pieski) ja Kalle Varis (várrelahttun Pekka Sammallahti) sihke áššedovdi-áššemeannudeaddjin Oula Antti Labba. Stivra nammadii parlamentáralaš čuovvunjovkui áššedovdilahttun Pentti Pieski ja várrelahttun Heikki Paltto.

Vuoigatvuohtaministeriija ja Sámediggi ráđđádalle sámediggelága ođasmahttimis vuoigatvuohtaministtar Antti Häkkänen jođihemiin 6.9.2017. Ráđđádallamiid boađusin sohppui sámediggelága ođasmahttima álggaheamis vuođđovuoigatvuođaid ja Suoma riikkaidgaskasaš olmmošvuoigatvuohtageatnegasvuođaid rámaid siste.

Go 6.9.2017 dollon sámediggelága 9 §:s dárkkuhuvvon ráđđádallama dárkkistuvvon beavdegirji ii lean stivrra čoahkkimis oaidninláhkai, stivra mearridii lassin sámediggelága ođasmahttima álggaheami eaktun, ahte ráđđádallama beavdegirji galgá leat dárkkistuvvon ja vástidit ráđđádallama, vuoi sámediggelága ođasmahttima sáhttá álggahit, Sámedikki ságajođiheaddji Tiina Sanila-Aikio deattuha.

Vuoigatvuohtaministeriija dárkkuhussan lea ásahit doaibmagotti válmmaštallat dárbbašlaš nuppástusaid sámedikkis addojuvvon láhkii (974/1995) sihke ásahit barggu olis čuovvunjoavkku. Ođastusbargu álggahuvvo nu jođánit go vejolaš. Doaibmagottis lea ságajođiheaddji, lahttu ja várrelahttu iešguđege ráđđehusbellodagas sihke golbma lahtu ja várrelahtu Sámedikkis.

Čuovvunjoavkku bargun lea doarjut sámedikkis addojuvvon lága nuppástusaid válmmaštallama sihke juohkit riikkabeaijoavkkuide dieđuid, mat leat áiggi dásis, lága válmmaštallamis sihke ovddidit áššedovdi ja oppalaš ságastallama fáttás. Čuovvunjoavku galgá čuovvut ja árvvoštallat  sámedikkis addojuvvon lága nuppástusa válmmaštalli doaibmagotti barggu. Čuovvunjoavkkus lea lahttu ja várrelahttu iešguđege riikkabeaijoavkkus sihke áššedovdilahttu ja várrelahttu Sámedikkis.

Lassidieđuid addá Sámedikki ságajođiheaddji Tiina Sanila-Aikio tel. 050 300 1780, tiina.sanila-aikio(at)samediggi.fi

Sámediggi almmuha ohcan láhkái jagi 2018 kulturdoarjagiid

/in /by

Sámediggi almmuha ohcanláhkai doarjagiid, mat mieđihuvvojit sámegielat kultuvrra ovddideapmái ja sámeservviid doaibmamii jahkái 2018 čujuhuvvon mearreruđas (Opetus- ja kultuuriministeriö, sápmelaš kulturmearreruhta).

Doarjjaohcamušaid galgá čujuhit Sámediggái maŋimustá 31. golggotmánu 2017 d. 16.15 rádjai čujuhusain: Sámediggi, Sajos, 99870 Anár. Doarjjaohcamušaid sáhttá doaimmahit buktimiin ieš dahje áššealbmá mielde dahje sáddet poastta bokte, áirasa mielde, dahje šleađgapoastta bokte info(at)samediggi.fi. Ohcanskoviid ja lassidieđuid fidne kulturčállis tel. 010 839 3103 ja šleađgapoastta bokte riitta.orti-berg(at)samediggi.fi. Ohcanskovit leat gávdnamis dás.