Tubbejeaddji Mansikkka boahtá oahpistit sámenuoraid
Tubbejeaddji Mansikka boahtá Anárii skuvlet sámenuoraid ja oassálastá maid cuoŋománu 12. beaivve Vuohčus Sámenuoraid dáiddadáhpáhussii. Dáiddadáhpáhusa tubbentemái laktáseaddji skuvlen ordnejuvvo duorastaga 15. 2. dmu 13.00 – 14.00 Sajosis. Dilálašvuohta lea rabas buohkaide.
Mansikkka muitala iežas barggu birra ja movttiidahttá nuoraid eallit roahkkatvuođain ja rabasvuođain. Ovdanbuktima maŋŋá Mansikkka vástida guldaleddjiid gažaldagaide.
Skuvlejupmi striimejuvvo ja vurkejuvvo skuvlengeavahusa várás. Striima sáhttá čuovvut čujuhusas: http://sogku.fi/live . Striima áigge bálvaleaddjis doaibmá maiddái chat, man bokte beassá jearahallat Mansikkka su ovdanbuktima áigge.
Mansikkka (Maiju Voutilainen)
doaibmá Sámenuoraid dáiddadáhpáhusa tubbentemá suodjaleaddjin ja maiddái videogilvvu duopmárin. Mansikkka lea okta otná beaivve bivnnuheamos tubbejeddjiin Suomas. Son lea stiillalaš lifestyle -váikkuheaddji, guhte ráhkista dáidagiid ja moda ja fidne inspirašuvnna sierralágan stiilaiskkademiin. Maiju diktá iežas jiena gullot. Son leage ožžon olu rámi das, go lea gieđahallan roahkkadit maiddái váigadet áššiid. Áššálaš sáhkavuoruid lassin Maiju máhtá maid guoimmuhit liggosis vugiinis.
Skuvlendáhpáhus fállá maiddái lassedieđuid Sámenuoraid dáiddadáhpáhusa tubbentemá birrá.
Skuvlendáhpáhusa ollašuhttimis vástida Sámi oahpahusguovddáža Árktalaš pedagogihkká -fidnu ovttas Sámedikkiin. Lassedieđuid skuvlendáhpáhusas addá: kalle.sulkamo(at)sogsakk.fi.
