Sámedikki čállingoddi lea gitta 6.7.- 4.8.2017
Sámedikki čállingoddi lea gitta 6.7.- 4.8.2017.
Sámiid árbevirolaš ealáhusaid dálá dilli Suomas – Biodiversitehtasoahpamuša čuovvunindikáhtoriid duogášdieđut –raporta gárvvis
Sámedikki ollášuhttán prošeavtta ulbmilin lei čielggadit sámiid árbevirolaš ealáhusaid dili ja ovdáneami. Prošeavttas háliduvvui oažžut diehtu árbevirolaš sámeealáhusain bargiid mearis ruovttuguovllus Suomas sihke diehtu ruovttuguovllus orru sámiid ealáhusráhkadusas. Prošeakta doarju Suoma riikkaidgaskasaš geatnegasvuođaid ollašuhttima biodiversitehtasoahpamuša oasil ja lasiha dálá dieđu sámekultuvrra ja sámeealáhusaid dilis Suomas. Proševtta bohtosiid sáhttá atnit ávkin go ovddiduvvo sámeealáhusaid guoski láhkaásaheapmi ja hálddahus.
Prošeavtta álggus kártejuvvojedje jearahallanskoviin árbevirolaš ealáhusain ožžojuvvon dietnasat, daidda geavahuvvon áigi, ealáhusaid mearkkášumit vástideaddjiide sihke boahtteáiggioidnosat. Vástadusaid analyseremis deaddu lei sámiid ruovttuguovllu bohtosiid guorahallamis.
Prošeavtta boađusin šattai raporta, masa leat čohkkejuvvon prošeavtta ovdáneapmi, metodat, materiála ja bohtosat. Bohtosiin čielggai ee. ahte árbevirolaš ealáhusain ožžojuvvui mearkkašahtti dienas dušše boazodoalu oasil. Árbevirolaš ealáhusaid mearkkašupmi oassin sámiid eallinvuogi ja kultuvrra bođii ovdan čielgasit ja sámiid iešmearridanvuoigatvuohta árbevirolaš ealáhusain atnojuvvui boahttevuođas dehalažžan.
Prošeavtta ollašuhttin ja oasseruhtadeaddjin lei Sámediggi ja váldoruhtadeaddjin lei eana- ja meahccedoalloministeriija.
Prošeavtta loahpparaportta sáhttá lohkat dáppe.
Lassidieđuid prošeavttas ja raporttas addá Sámedikki ságajođiheaddji Tiina Sanila-Aikio tel. 050 300 1780, tiina.sanila-aikio(at)samediggi.fi
Dánssa ja sámeduoji ávvudoalut johtui Eanodagas
Ivdnás árbevirolaš sámeduojit, luhkát, ođđa ivnniid ja heivehusaid ožžon Sámi gávttit. Logit ja logit bohtosat luovvi barggus, ođđa sámi design. Bohcco čoarvvit, rissit, duhppejuvvon lottit ja bohccot. Ođđalágan diŋggat muoras, dávttiin ja kággásiin. Sámi musihkka ja dánsunčájalmasat ovdaoahpahusahkásaččaid rájes gitta logahatnuoraide. Dát visot dahket Sámenuoraid dáiddadáhpáhusa odne 4.5. Heahtá skuvlaguovddážis.
Dáhpáhussále dievai maŋimuš nurkki mielde gaskabeai áigge go badjel 400 sámemáná ja -nuora ovttas fuolaheaddjiiguin ja oahpaheaddjiiguin devde aiddo divvojuvvon lihkadansále. Dáhpáhussii bohte linjábiillaiguin maid Sámediggi lei ordnen. Linjábiillat fievrridedje oassálastiit Deanuleagi mielde, duoddariid badjel, dievaid rastá, buot aibmoguovlluin Ohcejoga rájes gitta Roavvenjárgii.
Heahtá skuvlaguovddážis ordnejuvvon Sámenuoraid dáiddadáhpáhusa prográmmas leat dánsunčájáhusat, sámi dujiid čájáhus ja eahketbeaikonsearta. Konsearttas loaiddastit Eanodaga ja Čeavetjávrri skuvlalaččat ja – diehttelas- sámenuoraid sruorra násttit Amoc ja Ailu Valle.
Dáhpáhussii oassálastet oktiibuot 14 dánsunčájalmasa, main leat oktiibuot sullii 80 dánsejeaddji. Nuoraid ráhkadan duojit leat oaidnimis dáhpahusbáikái ceggejuvvon čájáhusas.
Sámenuoraid dáiddadáhpáhusat leat ordnejuvvon 1970-logu rájes. Dáhpáhus lea sámegillii ja dan ordneba ovttasbarggus Heahtá skuvla ja Sámediggi.
Sámenuoraid dáiddadáhpáhusas válljejuvvojit sámenuoraid ovddasteaddjit riikkaviidosaš MOVES-dáhpáhussii, mii ordnejuvvo Roavvenjárggas 26.-28.5.2017. Buoremus dánsunprográmmat bálkášuvvojit stipeanddaiguin. Stipeanddat juhkkojuvvojit maiddái čeahpimus sámedujiid duddjon nuoraide. Dáhpáhusa lea vejolaš čuovvut Instagramis: #sndd17 .
Lisätietoja:
Xia Torikka Tuottaja
040 641 1533
Ulla Aikio-Puoskari
Koulutus- ja oppimateriaalitoimiston päällikkö
040 767 3101 tai 010 839 3112
Vahkku áigi almmuhit oassálastiid ja dánsunjoavkkuid dáiddadáhpáhussii!
Vahkku áigi almmuhit oassálastiid ja dánsunjoavkkuid dáiddadáhpáhussii!
Dánsunjoavkkuid ja oassálastiid Sámenuoraid dáiddadáhpáhussii ferte almmuhit maŋimuštá bearjadaga 7.4. Almmuhusaid váldit vuostá dušše beare Webropol-neahttabálvalusa bokte. Webropolii beasat dás.
Duodjegilvvu duojit galget leat doaimmahuvvon ovdal beassážiid
Duodjegilvvu duojit galget leat doaimmahuvvon maŋimuštá 13.4. Sámekulturguovddáš Sajosii Anárii dahje Heahtá skuvlaguovddážii. Xia Torikka váldá dujiid vuostá Sajosis ja Máret Magga Heahtá skuvllas.
Dujiid mielde galget leat duogášdieđut duojis sihke duojáris. Dan lassin maiddái govva (iešie/selfie) duojáris ovttas dujiin. Muđui duodjegilvu lea friija, ja dasa sáhttá oassálastit maiddái joavkun.
Sávvat buori ráhkkananáiggi sihke buriid beassážiid!
Xia Torikka
Buvttadeaddji
xia.torikka(at)samediggi.fi
0406411533
facebook
Deanu guolástansoahpamuš – Sámiid guoski lossa olmmošvuoigatvuođarihkkumuš
Odne lea morašlaš beaivi,
Norgga Stuorradiggi lea dohkkehan evttohuvvon Deanu guolástansoahpamuša Sámedikki nana ja čielga vuostálastimis fuolakeahttá. Soahpamušas ii leat báikkálaš- iige sámeservodagaid doarjja ja dat rihkku sámiid olmmošvuoigatvuođaid mearkkašahttiláhkai. Mii leat garrasit behtton ráđđehusaide ja álbmotlaš parlameanttaide ja maiddái dasa, ahte dain váillui dáhttu ja jáhkku gávdnat politihkalaš čovdosa áššái, nu ahte livčče gullan Sámedikkiid ja sámeservošiid, geaid ášši guoská.
Dan dihtii ášši boahtá čovdojuvvot Norgga ja Suoma duopmostuoluin, ja juridihkalaš perspektiivva dáfus mii leat sihkkarat, ahte sámiid olmmošvuoigatvuođat bohtet loahpas leat guovddážis. Dán sáhttá geahččat máŋggaláhkai ráđđehusaid eahpelihkostuvvamin, go dat eai lihkostuvvan gávdnat čovdosa politihkalaš vuogádagaid bokte.
Bivdit máilmmiviidosaččat doarjaga riikkaidgaskasaš organisašuvnnain ja min eamiálbmotvieljain ja -oappáin joatkin dihtii dáistaleami Deanu guolástansoahpamuša vuostálastima dihtii.
Lassidieđuid addiba
Tiina Sanila Aikio
ságajođiheaddji, Suoma Sámediggi
tel. 050 300 1780, tiina.sanila-aikio(at)samediggi.fi
Vibeke Larsen
presideanta, Norgga Sámediggi