Tiõrv pue´ttmest sää´mtee´ǧǧ dommseeidaid.
Sää´mte´ǧǧ lij lää´ddjânnam saa´mi pââimõs organ kåå´tt va´lljeet vaalain juõ´ǩǩ neelljad ee´jj.
|
Ouddseidd
|
Sää´mkulttuurkõõskõõzz restrantt-ho´zjen lij valljuum |
|
|
|
Aanar ceerkavsi´jdde ee´jjest 2012 valmštõõvvi Sää´mkulttuurkõõskõõzz restrantt-ho´zjenen lij va´lljuum njeä´llemneǩ Jouko Lappalainen. Sää´mte´ǧǧ ǩeâštõõtti restraant luõikkâmsuåppmõõ ǩeässa 2009 da mie´rräigga mõõnee´st puõ´đi õhtt ta´rjjõs.
|
Mari ja Jouko Lappalainen
|
Jouko Lappalainen lij tuåimmjam hote´l da restrantt’tuâjast ee´jjest 1991 da põrggjen Erähotelli Njeä´llmest ee´jjest 2004 ää´ljee´l. Lappalainen i´llakku vue´lǧǧmen meädda Njeä´llmest, leša šuu´remen tuåimmjumuues še ceerkavsi´jdde õõutsââ´jest Mä´rjj kappjines.
Sää´mkulttuurkõõskõ´sse raajât paai´ǩid sää´mkulttuu´re kuulli määŋgpeällsa tuåimmjumu´šše, Sää´mtee´ǧǧ vaaldšem tuåimmjumu´šše di sää´m mätt’tõs- da tu´tǩǩeemtuåimmjumu´šše. Põõrt väänmõs pääi´ǩ liâ määŋgtuåimm- da kääzzkâ´sttempääi´ǩ pirr juâkkõõttâm õhttsapääi´ǩ: čuäjtõõllâm- da määŋgtuåimm-pääi´ǩ, ǩe´rjjpõrtt di restrantt. Täk pääi´ǩ liâ takai, jee´res âkksai saa´mi kaa-unõõttâmpääi´ǩ, sää´m ǩiõl âânnmõš juõ´ǩǩpeivvsa jie´llmest da jie´llem pirr da sosiaala kontaktvuõđ čuõlmmeempääi´ǩ. Õhttsapaai´ǩi âânnmõš lij väänai puk tän kulttuurkõõskõõzz tuåimmjumuuin.
|
Sää´mkulttuurkõõskõõzz tuejj’jâtt da vuä´mast Senaatt-ǩiiddõs da tõn šorrõs lij nu´tt 4 800 mbrm2. Raajjâmha´ŋǩǩõõzz teä´ǧǧââ´nnemarvvlõs lij nu´tt 12 miljoon eu´rred, Sää´mjânnam läänhalltõs lij miõttâm ha´ŋǩǩõ´sse 5 miljoon eu´rred EU-teäggtõõzz. Sää´mkulttuurkõõskõõzz čõõđtemplaan lij ju´n jååttmen da tuejjumuš älgg ǩeâđđa 2010. Sää´mkulttuurkõõskõõzzâst lij mie´rr altteed tuåimmjumuuâs ee´jjest 2012.
Sää´mkulttuurkõõskõõzz vä´lddposttše´ǩǩen šâdd tuåimmjet Sää´mte´ǧǧ da tõn vasttõõzzâst lij kulttuurkõõskõõzz paai´ǩi koordinâ´ttmõš da ooudâs vuåkrjumuš jee´res õõ´nnjid. Jee´res posttše´ǩǩen liâ Sää´mvuu´d škoou´l’jemkõõskõs, Aanar kåå´dd ǩe´rjjpõõrttuåimm, Sámi Duodji ry, SámiSoster ry da Sää´mjânnam vu´vddvaaldšempravlee´nnja di altteem vue´lnn åårrai Sää´markiiv. Lââ´ssen kõõskõ´sse šâ´dde lee´d õhttsaââ´nnempääi´ǩ, mâ´te auditoria da määŋgtuåimm- da kääzzkâ´sttempääi´ǩ.
Lââ´ssteâđaid:
Vaaldšemšuu´rmõs Juha Guttorm p. 0400-142 518
Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.
Põrggi Jouko Lappalainen p. 0400-415 989
Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.
|
|
Viimeksi päivitetty ( 30.10.2009 )
|
|
|
